انا في انتظارك - ام كلثوم
انا في إنتظارك خليت
ناري فى ضلوعي وحطيت
ناري فى ضلوعي وحطيت
ايدي على خدي وعديت
بالثانيه غيابك ولا جيت
بالثانيه غيابك ولا جيت
يا ريت .. يا ريت .. يا ريت
يا ريتني عمري ما حبيت
يا ريتني عمري ما حبيت
عايزة اعرف لا تكون غضبان .. او شاغل قلبك انسان
خليتنى من يأسي اقول .. الغيبه تغيب على طول
وافكر ايه اللي جنيت .. من ذنب يسيئك ما لاقيت
على كده اصبحت وامسيت .. وشافونى الناس قالوا اتجنيت
ياريت .. ياريت .. ياريتني عمري ما حبيت
اتقلب على جمر النار .. واتشرد ويا الافكار
النسمه احسبها خطاك .. والهمسه احسبها لقاك
على كده اصبحت وامسيت .. وشافونى الناس قالوا اتجنيت
ياريت .. ياريت .. ياريتني عمري ما حبيت
توعدني بسنين وأيَّام .. وتجيني بحجج وكلام
وتسلِّم وتمرِّ قوام او تخلف وتقولي نسيت
ياريت .. ياريت .. ياريتني عمري ما حبيت
كلمات: بيرم التونسي
ألحان: زكريا أحمد