قال ايه بيسألوني - وردة الجزائرية
قال ايه بيسالوني عنك يا نور عيوني
معقولة اكون بحبك اكتر من نفسي ليه ليه
وحقيقي حيروني بالرد وغلبوني
عندي الاسباب كتيره وحاقول ايه انا ولا ايه
حبك مفرحني فرحة طير بطيرانه
قربك مريحني راحة الروح باغصانه
عطفك ساقيني الحنان كله بالوانه
ودك مهنينى قربك مخلينى
انسان لقى نفسه فيك من بعد توهانه
وبيسألوني قال ودي محتاجة .. محتاجة لسؤال
وانت الامل والمنى .. والدنيا والاحلام
وانا من رضاك ببتسم للغيب وللايام
ويوم لقاك بلتقي كل الوجود بسام
ومن النعيم والهنا بشعر معاك اني انا
ضمنت بيت السعادة للحياة قدام
وازاي بيسألوني اذا كان يا نور عيوني
اجمل ما عشت بحياتي بروحي وبكياني ايام
ايام رضاك اللي هم بعمري وبزمان
حظي معاهم عيلي بيا وخلاني
اعيش بعالم عالم جميل .. واتمنى وانا في الربيع
ارجع بعمري واحبك من جديد تاني تاني
قال ايه بيسالوني عنك يا نور عيونى
معقولة اكون بحبك اكتر من نفسي ليه ليه
حقيقي حيروني فى الرد وغلبوني
عندي الاسباب كتيره وحاقول ايه ولا ايه
كلمات: عبد الوهاب محمد
ألحان: سيد مكاوي