انت انت ولا انتش داري - محمد عبد الوهاب
انت انت و لا انتش داري .. انت انت نعيمي و ناري
و اللى بحبه برضه انت .. برضه انت .. انت انت
انت النار اللي محاوطانى .. واللي رضيت بنصيبي فيها
خايف أقول النار كاوياني لأحسن حتى ما اطولش أسيها
حبيتها علشانك انت .. إكمن النار منك انت
و اللي بحبه برضه انت .. برضه انت .. انت انت
انت الآه اللى بغنيها .. ويغنوها الناس ويايا
كل ما أقولها و أطول فيها .. ألقى الدنيا قالتها معايا
كان بدي أقولهالك انت .. واللي يغني معايا انت
و اللى بحبه برضه انت .. انت انت
كلمة واحدة تريح بالي و تفرح قلبى وياي
لو ترضى يوم و تقولهالي مش حتساع الدنيا هنايا
و اليوم ده راح ييجى إمتى .. الكلمة دى حتقولها إمتى
انت انت و لا انتش دارى .. انت انت نعيمى و نارى
و اللى بحبه برضه انت .. انت انت
كلمات: حسين السيد
ألحان: محمد عبدالوهاب