من حقك تعاتبني - عزيزة جلال
من حقك تعاتبنى من حقك تحاسبني
لكن مش من حقك فى عواطفى تكدبنى
هو أنا لما هويتك و إخترت و حبيتك
كان فيه حد غاصبنى ولا حد غاصبنى
أنا حبى بيديلك كل الحق عليا
بالغيرة المعقولة مش تتحكم فيا
يوم ما تشك فى حبى
يبقى بتظلم قلبى و بتتجنى عليا
تسمح تنسى ظنونك
و تشوفنى فى عيونك و بعقلك تجاوبنى
هو أنا لما هويتك و إخترت و بديتك
كان فيه حد غاصبنى ولا حد غاصبنى
إطمن يا حياتى إن القلب معاك
و اللى يحب بقلبه قلبه يبقى ملاك
و أنا من العالم ما إرتحتش لسواك
ولا قبلك فى الدنيا كان فيه حد عاجبنى
تسمح تنسى ظنونك
و تشوفنى فى عيونك و بعقلك تجاوبنى
هو أنا لما هويتك و إخترت و بديتك
كان فيه حد غاصبنى ولا حد غاصبنى
يا حبيبى يا منايا بص لبكره معايا
خلى حياتى الجاية تبقى أحلى معاك
دا أنا إخلاصى حكايه و طبيعة جوايا
إيش حال و أنا يا عينيا غير كدة بهواك
لا تقولى ولا أقولك مهو قربى بيدلك
تسمح تنسى ظنونك
و تشوفنى فى عيونك و بعقلك تجاوبنى
هو أنا لما هويتك و إخترت و بديتك
كان فيه حد غاصبنى ولا حد غاصبنى
كلمات الشاعر: عبد الوهاب محمد
الحان الموسيقار: كمال الطويل