اعلان

ساكن قصادي - نجاة الصغيرة

ساكن قصادي .. وبحبه .. وأتمنى اقابله       
فكرت أصارحه .. لكن أبدا ما اقدرش أقوله      



وفضلت استنى الأيام في معاد ما يسهر ومعاد ما يرجع
كل خطوة أرسم احلام تكبر في قلبي والقلب يطمع
وأقول مسيره ح يحس بيا لو يوم صادفني وسلم عليا
حيلاقي صورته ساكنه بعينيا ويحس بيها برعشة ايديا

كنت حاسه أن حـبـه كل مادى كان بيكـبــر
أبقى عايزه لو يكون لي قلب غير قلبي الصغيـر
فضلت أمالي .. مع الليالي .. تقرب حبيبي اللي ساكن قصادي .. وبحبه

وفي يوم صحيت على صوت فرح بصيت من الشباك
زينـه وتهـاني وناس كتيـر دايـرين هنـا وهنـاك
شاورولي بإيديهم وقالولي عـقـبـالك .. هللت م الفرحه
وسألت  قالوا .. جارك .. حبيبك حبيبي ..  اللي ساكن قصادي .. وبحبه

روحت الفرح بالليل ورسمت بعينيا الفرحـه
ساعة ما كان بيشيل بإيديه وبعينيا الطرحه
شربت شرباتهم وانا قاعده بصالهم 
 لحد ما قاموا ومشيت اوصلـهـم
حتى الأمل ما بقاش من حقي أفكر فـيـه
بعد الليلة دي خلاص بقى غيري أولى بيه

وتهـت وسـط الزحـام مـا حـد حاسس بيا
عايزه أجري وأرجع أتوه والناس يقولوا حاسبي
ناس في طريق النور .. ما بين فرح وشموع
وأنا في طريق مهجور .. ومنـوراه الدموع
ولقيتني فايـتـه من جنب بـابه
لاهو داري بقلبـي ولا باللي نابه
يا ويلي يا ويلي من طـول غيابه
وياويل أيامي من جرح عــذابه
عذاب الجرح اللي فاتوهلي وسابه
ساكن في قلبي وساكن قصادي .. وبحبه     
حبيبي ساكن .. حبيبي ساكن قصادي وبحبه


كلمات: حسين السيد 
ألحان: محمد عبد الوهاب 

Share this

شاركشارك