مغرم صبابة - محمد رشدي
عاشق يا أهلي ويا ناسي ولا ملامة
وياما دابو قبلنا في العشق ياما .. لا ملامة
لا إحنا أول العاشقين
ولا آخر العاشقين .. لا ملامة
الله لا يبليك بالعشق يا خالي
ده العشق نار ومن ناره يللا السلامة
مغرم صبابة .. شغلونا يابا
ده الحب قادر .. واحنا غلابة
العشق خدنا .. من بين صحابنا
والليل صاحبنا .. يا ليل يا عين
من يومها واحنا .. شايلين جراحنا
غلابة يا احنا .. يا مجروحين
أصل الهوى ماله مداوي
عند اللي غاوي من العاشقين
أوصيك يا خالي .. شوف ايه جرالي
من الحبايب واللايمين
ده الحب قادر .. واحنا غلابة
واحنا غلابة
شغلونا يابا .. مغرم صبابة
ملامة .. وبطلوا ملامة يا أهل الملامة
كفاية .. يجعل طريقكوا كله سلامة
من نار الهوى .. من ظلم الهوى
من غدر الهوى
ده الحب قادر .. واحنا غلابة
شغلونا يابا .. مغرم صبابة
ليل يا ليل .. يا أبو الغلابة
آه يا ليل طويل .. على الغلابة .. آه يا ناس
ع اللي فاته حبيبه .. سنين ولا جاش .. آه يا ناس
ع اللي داق المر .. ولا اتهناش .. آه يا ناس
ع اللي داب ف الحب .. ولا بينساش
ده الحب قادر .. واحنا غلابة
شغلونا يابا .. مغرم صبابة
كلمات: محمد حمزة
ألحان: بليغ حمدي