يا ابو ضحكة جنان - فريد الاطرش



يا ابو ضحكة جنان مليانه حنان
اضحكها كمان وكمان .. يابو ضحكة جنان



خليك فرحان وأضحك على طول .. لك ضحكة جنان شئ مش معقول
تشوفها الروح عمرها بيطول .. وتخش  القلب مع الف رسول
لها صوت بيقول انا مش مسؤول .. لو حد اتحير او بات مشغول
واضحكها كمان وكمان وكمان .. يابو ضحكة جنان

ضحكتك الحلوة شوف رايحة لفين .. نطقت فى خدودك على تفاحتين
ولأول مرة تشوف العين .. الفاكهة بتطرح على عود  ياسمين
والروح والعين تاهو الاتين .. يلاقوها ياقلبى منين ولا منين
واضحكها كمان وكمان .. يابو ضحكة جنان

الدنيا بحالها فيها إيه له امان .. غير قلب حنين يجمع الخلان 
على ضحكه تنور ليل الحيران .. والنبى تضحكها
ياابو ضحكه جنان .. قلبى الولهان محتاج لحنان 
املاله يا روحى وخليه عطشان .. واضحكها كمان وكمان 
يا ابو ضحكة جنان ....

كلمات: حسين السيد 
ألحان: فريد الأطرش