اعلان

مشيت على الاشواك - عبد الحليم حافظ

مشيت على الأشواك وجيت لأحبابك
 لا عرفوا إيه وداك ولا عرفوا إيه جابك
رميت نفسك في حضن سقاك الحضن حزن
حتى في أحضان الحبايب شوك يا قلبي !!



مشينا هناك ورحنا للي هناك جرحونا
جينا شايلين جراحنا وبكينا وقلنا جينا
جينالكم يللي لينا مدوا ايديكم خدونا
شيلوا الشوك من صدورنا والدمعة من عينينا
ياللي جينالهم يا قلبي في جراحنا جرحونا 
ابكي .. ابكي تحت الليالي والخوف ملو الضلوع
قلبي .. قلبي يا بلاد غريبة بتنورها الدموع
رميت نفسك في حضن .. سقاك الحضن حزن
حتى في أحضان الحبايب شوك .. شوك يا قلبي

يللي في ليل البعد بننده تبقوا معانا
يللي بنحلم بيكم ضحكة وإحنا حزانا
باسم هواكم ليا بطفوا الشمعة الباقية في لياليا
باسم العطف عليا بترشوا الشوك فى طريق أيامي الجاية
يا شط كان مفروش هنا وحب و أماني 
إزاى تسلم مركبى للحزن تاني
الدنيا غايمة في عيوني .. على فين يا حزن موديني
في رحلة الوهم البعيدة .. في رحلة الحزن الجديدة
ابكي تحت الليالي والخوف ملو الضلوع
قلبي يا بلاد غريبة بتنورها الدموع
رميت نفسك في حضن .. سقاك الحضن حزن
حتى في أحضان الحبايب شوك يا قلبى


كلمات: عبد الرحمن الأبنودي
ألحان:محمد الموجي

Share this

شاركشارك