تخونوه - عبد الحليم حافظ

تخونوه وعمره ماخانكم ولا اشتكى منكم
تبيعوه وعمره ماباعكم ولا انشغل عنكم
قلبي .. ليه تخونوه



قلبي اللى فاتني وعاش معاكم وقال حبايبي
عايش معاكم على هواكم والإسم قلبي
يخاصمني لما تخاصموني يصالحني لما تصالحوني
قلبي .. ليه تخونوه
قلبي اللى راح منه شبابه بين شوق وحنين
باع فى هواكم أحبابه بعتوا انتوا مين
وضحى بالدنيا عشانكم باع جنتي واشترى ناركم
قلبي .. ليه تخونوه
قلبي اللى مهما يشوف منكم عايش بينكم
ويبعدوه الناس عنكم برضه شاريكم
مالوش غير انتو أحبابه انتو هناه وانتو عذابه
قلبي .. ليه تخونوه

كلمات: اسماعيل الحبروك
ألحان: بليغ حمدى