دارت الايام - ام كلثوم
ودارت الأيام .. ومرت الأيام
ما بين بعاد وخصام
ما بين بعاد وخصام
وقابلته .. نسيت اني خاصمته
ونسيت الليل اللي سهرته
ونسيت الليل اللي سهرته
وسامحت عذاب قلبي وحيرته
ما أعرفش ازاي انا كلمته
ما اقدرش على بعد حبيبي
أنا ليّا مين الا حبيبي
أنا ليّا مين الا حبيبي
قابلني والاشواق في عينيه
سلم وخد ايدي في ايديه
وهمسلي قالي الحق عليه
نسيت ساعتها بعدنا ليه
فين دموعي عيني اللي ما نامت ليالي
بابتسامة من عيونه نسهالي
أمر عذاب وأحلى عذاب
عذاب الحب للاحباب
ما قدرتش أصبر يوم على بعده
ده الصبر عايز صبر لوحده
وصفولي الصبر لقيته خيال
وكلام في الحب يا دوب يتقال
أهرب من قلبي أروح على فين
ليالينا الحلوة في كل مكان
مليناها حب احنا الاثنين
وملينا الدنيا امل وحنان
وملينا الدنيا امل وحنان
عيني يا عيني عالعاشقين
حيارى مظلومين .. عالصبر مش قادرين
ما قدرتش أصبر يوم على بعده
ده الصبر عايز صبر لوحده
ما اقدرش على بعد حبيبي
انا ليا مين الا حبيبي
ودارت الأيام ومرت الأيام
وهل الفجر بعد الهجر بلونه الوردي بيصبح
من فرحتي تهت مع الفرحة
من فرحتي لا بنام ولا بصحى
ولقيتني معاه بعيش في ربيع ما فيش كده
و شوق ما ينتهيش وشوق تاني ابتده
ما قدرتش أصبر يوم على بعده
ده الصبر عايز صبر لوحده
ما اقدرش على بعد حبيبي
أنا ليا مين الا حبيبي
كلمات: مأمون الشناوي
ألحان: محمد عبدالوهاب