لا مش انا اللي ابكي - محمد عبد الوهاب



لا مش انا اللي ابكي وللا انا اللي اشكي .. لو جارعليَا هواك
ومش انا اللي اجري واقول عشان خاطري .. وانا ليَا حق معاك



تبقى انت هاجرني وانت اللي ظالمني .. وفاكرني ح اترجاك
انا قلتها كلمه وكل شيء قسمه .. ودي قسمتي وياك
وكفايه قلبي انشغل على قلب خان الامل
وعايزني ارجع تاني لا .. ارجعلك تاني لالالا

من كم سنه لمَا دارالهوى بينَا ..  فاكر احنا قولنا ايه
مش دي راحة قلبي ولا ده امل حبي .. اللي اتفقنا عليه
اشمعنى انا عهدك صنته وراعيت ودك .. والعمر داب حواليه
لكن اللي بيحبك مالوش ثمن عندك .. والغالي يرخص ليه
انا راح زماني هدر ولا كانش عندك خبر
وعايزني ارجع تاني لا .. ارجعلك تاني لالالا

انا مش بعاتبك دلوقتي .. انا بدي اقول ليه ده يحصل
علشان نهايتك ونهايتي .. كان يجرى ايه لو كانت اطول
غيروك علموك تنسى وتبيع اللي كان
بعته ليه تنسى ليه فين حبيبي بتاع زمان
فين قلبك من حبي ليه ماسكنش جنبي
كان مشاركني فـي عمري ونسي يشارك قلبي
ما قدرش يعرفني ما عرفش يفهمني
وعشان ايه ما عرفش ده ذنبك مش ذنبي
تبقى انت هاجرني وانت اللي ظالمني .. وفاكرني ح اترجاك
انا قلتها كلمه وكل شيء قسمه .. ودي قسمتي وياك
وكفايه قلبي انشغل على قلب خان الامل
وعايزني ارجع تاني لا .. ارجعلك تاني لالالا


كلمات: حسين السيد 
ألحان: محمد عبد الوهاب