عيون القلب - نجاة الصغيرة
عيون القلب سهرانة ما بتنامش
لا أنا صاحية ولا نايمة ما بقدرش
يبات الليل .. يبات سهران .. على رمشي
وانا رمشي ما داق النوم .. وهو عيونه تشبع نوم
روح يا نوم من عين حبيبى .. روح يا نوم
حبيبي .. حبيبي اه من حبيبي
عليه احلى ابتسامه ..
لما بتضحك عيونه .. بقول يالله السلامة
لما يسلم عليا .. ولا يقولي كلام
عايزه ورا كل كلمة .. اقوله يا سلام .. يا سلام
ده قالي في يوم .. يا حبيبتي خذي القمر
ورحت معاه .. وما اداني إلا السهر
وانا رمشي ما داق النوم .. وهو عيونه تشبع نوم
روح يا نوم من عين حبيبى .. روح يا نوم ..
تقولي كلام .. وافرح بيه .. انا افرح بيه
اسيب النوم .. وافكر فيه .. انا افكر فيه
انت تقول وتمشي .. وانا اسهر ما انامشي
ياللي ما بتسهرشي .. ليله يا حبيبي ..
سهرني حبيبي .. حبك يا حبيبي
بكتب ع الليالي .. اسمك يا حبيبي
وانا رمشي ما داق النوم .. وهو عيونه تشبع نوم
روح يا نوم من عين حبيبى .. روح يا نوم ..
حبيتك يا حبيبى من غير ما أسأل سؤال
وح اسهر يا حبيبى مهما طال المطال
انا بس الي محيرني و ما خلانيش انام
ازاي انا بقدر اسهر وازاي تقدر تنام
و أقوله حبيبي .. كل ما فيك حبيبي ..
صوتك حلو .. قلبك حلو
و حتى لما تتعبني و اسهرلك .. سهرك حلو
وانا رمشي ما داق النوم .. وهو عيونه تشبع نوم
روح يا نوم من عين حبيبى .. روح يا نوم
كلمات: عبد الرحمن الأبنودي
ألحان: محمد الموجي