اخر ليلة - شادية
اخر ليله .. وسهرنا لحد الفجر .. ما فات علينا . .وصبح على عنينا
وسهرنا .. وأتاري العمر .. كان ناسينا .. ياريته نسينا
كان الفرح معانا ليلتها .. وكان الحب ليلتها تالتنا
وكانت ليله .. أحلى ليله
بس ياخسارة ساعتها .. قد فرحتنا ساعتها
قلبي كان حاسس ليلتها .. ان الليله دي اخر ليله
غريبه ساعات .. بتمر الساعات .. من الصبح يا عينيا
من قبل ما يجي وأنا حاسه بحاجات .. مش عارفه ايه هى
واليوم ده مليانه بالاحساس ده هو .. من الصبح قلقانه قبل ما يجي هو
ماشيه رايحه جايه .. أتزوق دلوقتي ولا بدري شويه
وغريبه غريبه ايه جرالي ايه .. وايه الحيره ديه وايه الداعي ليها
ايه غيرلي حالي .. اول مره هى يجيني حبيبي فيها
وكانت ليله .. أحلى ليله
بس ياخسارة ساعتها .. قد فرحتنا ساعتها
قلبي كان حاسس ليلتها .. ان الليله دي اخر ليله
نصيب .. وبيقولوا نصيب .. وغنوا فى المواويل
على المكتوب ياليل .. وعالعين اللي تصيب .. نصيب
على المكتوب ياليل .. وعالعين اللي تصيب .. نصيب
وتبعد القريب .. ويبقى الليل طويل .. على المحبوب ياليل
ولا يرتاح فيه حبيب .. نصيب
واليوم ده حقيقي .. حلمت ان حبيبي .. جم ندهوا عليه
رد بصوته عليهم .. سألته حتروح ليهم .. وحتغيب قد ايه
قاللي جاي الليله .. وفاتت يجي ميت ليله ..على اخر أحلى ليله
وكانت ليله...أحلى ليله
بس ياخسارة ساعتها...قد فرحتنا ساعتها
قلبي كان حاسس ليلتها .. ان الليله دي اخر ليله
كلمات: محمد حمزه
ألحان: بليغ حمدى