اعلان

ساعات ساعات - صباح

ساعات ساعات ساعات ساعات
احب عمري واعشق الحاجات
وساعات ساعات احب عمري واعشق الحاجات




احب كل الناس واد ايه احساس واحس جوايا
بمية نغم مية نغم يملى السكات .. ساعات 
وساعات ساعات احب عمري واعشق الحاجات
وساعات ساعات احس اد ايه انا وحيده 
واد ايه الكلمه في لساني مهيش جديده
واد ايه منيش سعيده
وان النجوم النجوم بعيده وتقيله خطوه الزمن 
تقيله دقة الساعات ساعات ساعات
وساعات ساعات احب عمري واعشق الحاجات

وساعات ساعات .. اضحك والعب زي عصفورة ربيع
زي النسيم .. زي النسيم ما يعدي وف لحظه يضيع
اضيع .. افرح اوي واضحك اوي اوي
واحب عمري واعشق اليوم اللي فات .. ساعات 
وساعات ساعات احب عمري واعشق الحاجات

وساعات غريبه .. نفس اللي ما بيفرحني ما يفرحني
وغريبه نفس اللي بيريحني ما يريحني
واحس ان عمري فات .. من غير ما احب عمري واعشق الحاجات
 كده ساعات وكده ساعات

وغريبه غريبه دقة الزمن 
وغريبه غريبه لعبه الساعات 
ساعات ساعات ساعااااااااااات
وساعات ساعات .. احب عمري واعشق الحاجات
ساعات ساعات احب عمري واعشق الحاجات

احب كل الناس واد ايه احساس 
واحس جوايا بمية نغم .. مية نغم يملي السكات
ساعات ساعات ساعات ساعات
احب عمري واعشق الحاجات
ساعاااااااات


كلمات:عبد الرحمن الابنودى
ألحان: جمال سلامه

Share this

شاركشارك