اعلان

الف ليلة وليلة بصوت شيماء الشايب

يا حبيبي الليل وسماه 
ونجومه وقمره قمره وسهره
وإنت وأنا يا حبيبي أنا
 يا حياتي أنا كلنا في الحب سوا


والهوى.. آه منه الهوى سهران الهوى
يسقينا الهنا.. ويقول بالهنا
يا حبيبي يلا نعيش في عيون الليل 
ونقول للشمس تعالي
بعد سنة مش قبل سنة 
دي ليلة حب حلوه بألف ليلة وليلة
بكل العمر.. هو العمر إيه غير ليلة.. زي الليلة

إزاي أوصفلك يا حبيبي إزاي
قبل ما أحبك كنت إزاي كنت ولا امبارح فاكراه
ولا عندي بكره أستناه ولا حتى يومي عايشاه
خدتني بالحب في غمضة عين
وريتني حلاوة الأيام فينا لليل 
بعد ما كان غربة لقيته أمان
والعمر اللي كان صحرا صبح بستان
يا حبيبي.. يلا نعيش في عيون الليل
ونقول للشمس تعالي بعد سنة
مش قبل سنة..دي ليلة حب حلوه بألف ليلة وليلة
بكل العمر.. هو العمر إيه غير ليلة زي الليلة

يا حبيبي إيه أجمل من الليل 
واتنين زينا عاشقين تايهين
ما احناش حاسين العمر ثواني والا سنين
حاسين اننا بنحب وبس
عايشين لليل والحب وبس
يا حبيبي الحب حياتنا وبيتنا وقوتنا
للناس دنيتهم واحنا لنا دنيتنا
وإن قالوا عن عشاقه بيدوبوا في نار أشواقه
أهي ناره دي جنتنا
الحب عمره ما جرح ولا عمر بستانه طرح 
غير الهنا وغير الفرح
يا حبيبي يلا نعيش في عيون الليل
ونقول للشمس تعالي بعد سنة
مش قبل سنة دي ليلة حب حلوه بألف ليلة وليلة
بكل العمر.. هو العمر إيه غير ليلة زي الليلة


كلمات: مرسي جميل عزيز
ألحان: بليغ حمدي

Share this

شاركشارك