ليالي الحلمية - محمد الحلو



ومنين بييجى الشجن, من إختلاف الزمن
ومنين بييجى الهوى, من إئتلاف الهوى
ومنين بييجى السواد, من الطمع والعناد
 ومنين بييجى الرضا, من الإيمان بالقضا


من إنكسار الروح فى دوح الوطن 
ييجى إحتضار الشوق فى سجن البدن
من إختمار الحلم ييجى النهار 
يعود غريب الدار لأهل و سكن

ليه يا زمان مسبتناش أبرياء 
وواخدنا ليه فى طريق ممنوش رجوع
أقسى همومنا يفجر السخرية 
وأصفى ضحكة تتوه فى بحر الدموع

ولفين ياخدنا الأنين … لليالى ملهاش عينين
ولفين ياخدنا الحنين … لواحة الحيرانين

متسرسبيش يا سنينا من بين إيدينا 
و لا تنتهيش ده إحنا يادوب إبتدينا
واللى له أول بكرة ح يبانله آخر 
وبكرة تفرج مهما ضاقت علينا

كلمات: سيد حجاب
الحان: ميشيل المصري
===========================================================

ليالي الحلمية، أبرز دراما مصرية كتبها أسامة أنور عكاشة وأخرجها إسماعيل عبد الحافظ، صورت التاريخ المصري الحديث من عصر الملك فاروق وحتى مطلع التسعينات على مدى 5 أجزاء. شارك في المسلسل نخبة كبيرة من الفنانين المصريين زاد عددهم على 300 ممثل.

المسلسل يؤرخ لتاريخ المصر عبر تاريخ حي الحلمية الذي كان في بدايته حي راقي للباشوات والبهوات والطبقة الارستقراطية ثم تحول لحي شعبي يقيم به البسطاء من عامة الناس والطبقة والوسطى وتحت الوسطى من الشعب المصري.