منحرمش العمر منك - فريد الاطرش

منحرمش العمر من عطفك عليا 
ياللي حبك من السما اجمل هدية
منحرمش العمر منك يا حبيبي 
ولا من ضحكة عينيك الحلوة ديا



وانت جنبي .. بنسى روحي وانت جنبي
بنسى كل الدنيا الا عينيك حبايبي
وانت جنبي .. كل همسة .. كل لمسة
الف شمعة حب بتنور في قلبي

يا حبيبي لولا حبك كان زماني في جو تاني
كان زماني بشتكي قسوة زماني
يا حبيبي انت خليت الزمان ايام هنية
ياللي حبك من السما اجمل هدية

منحرمش العمر منك ياحبيبي
ولا من ضحكة عينيك الحلوة ديا

فرجيني .. قربي يا عيون يا حلوة فرجيني
واحضنيني .. الحنان والحب والشوق احضنيني
وان حلفت اني بعيش في الجنة يا عيوني صدقيني

يا حبيبي عايز اغني للعيون السود وخايف
يزعلوا مني الخدود ولا الشفايف

يا حبيبي عايز اغني لكل حاجة فيك شوية
ياللي حبك م السما اجمل هدية
منحرمش العمر منك يا حبيبي
ولا من ضحكة عينيك الحلوة ديا


كلمات: مرسى جميل عزيز
ألحان: فريد الأطرش