حرمت الحب عليًا .. حرمت .. حرمته عليا
من بعد هواك يا عينيا حرمت .. حرمته عليًا
وازاي دا جرى ما اعرفش
ما اعرفش ازاي ازاي ازاي
ما اعرفش ازاي ازاي ازاي
ازاي يجي يوم ما اقدرش
اهوى من العالم غيرك ازاي
اهوى من العالم غيرك ازاي
وانساك لو حتى شوية
بعدوك عني وبعدوني .. بعدوك
حبك اكبر من جرحي
وده قدري ومش بإيديا
وده قدري ومش بإيديا
قدري ومش بإيديا يا عمري .. قدر
فاكرين .. فاكرين حرموني أحبك
نسيوا انك جوا عيوني
متغطي برمشي وحبك
متغطي برمشي وحبك
ولا حدش ابدا يقدر يحرمني إني افكر
دا هواك عالبعد بيكبر أكتر واكتر من قربك
وازاي دا جرى ما اعرفش
يا حبيبي .. أنا دقت حلاوة الدنيا يا حبيبي وانا واياك
ولا أي حبايب تانية حتعوض لحظة معاك
وندرت أعيش في الذكرى
وأعيدها ثانية بثانية
وأعيدها ثانية بثانية
وآخذ من الماضي لبكرا
صبر الأيام الجاية
صبر الأيام الجاية
وازاي دا جرى ما اعرفش
يا ريت كان قلبي بإيدي يا ريت
كنت زماني اتهنيت وداويت
قلبي بهوى تاني يا ريت
يا ريت كان قلبي بإيدي يا ريت
ولا كنت في عمري هويت وقاسيت
ولا كنت في عمري هويت وقاسيت
أيام فيها حبيت وكمان ضحيت وقاسيت .. يا ريت
لكن حبك يا هوايَا .. بقى زي الروح جوايَا
مهما فين رحت وجيت
وازاي بس أعشق تاني بعد ما حبك خلاني
من الهوى كله استكفيت
وازاي دا جرى ما اعرفش
وازاي دا جرى ما اعرفش
كلمات: عبد الوهاب محمد
ألحان: بليغ حمدي
