حكايتي مع الزمان - وردة الجزائرية
كان .. ده كان .. كان اسمه حبيبي
وكان .. ده كان .. كان يوم من نصيبي
ضحيت بعمري معاه مشوار
مشوار اسمه الحياة .. و كان
<
أنا .. أنا اللي بينكم هنا
رضيت بالعذاب لحد ما قلبي داب
ولا دوقت يوم هنا
و أنا ياما اتحملت أنا
قاسيت ولا اشتكيت
ولا جيت في يوم بكيت منه ليكم هنا أنا
لا عتاب حيشفي جراح
ولا حيجيب إللي راح
دي حكايتي مع الزمان
الزمان الزمان .. حكايتي مع الزمان
رسملي على السما جنه فيها الهنا
و قال حنعيش هنا .. قلت أحلوت سنيني
و بنالي في الخيال قصور من الآمال
و قال ما فيش محال .. نمت و غمضت عيني
و مرت الأيام و صحيت من الأحلام
ما لقيتش غير آلام و عذابي مستنيني
و أنا .. أنا إلي بينكم هنا
مش عارفه رايحه فين
ولا فاكره جايا منين
جابني الطريق هنا أنا
و أنا .. ياما تحملت أنا
دموع ما تنتهيش و آلام ما تتنسيش
لو فات مليون سنه .. أنا
لا عتاب حيشفي جراح
ولا حيعيد إلي راح
دي حكايتي مع الزمان
الزمان .. الزمان
كلمات: محمد حمزه
ألحان: بليغ حمدي