ليه خلتني احبك بصوت نجاة الصغيرة
ليه خليتني أحبك
لا تلومني ولا اعاتبك
فين تهرب من ذنبك
روح منك لله
بدموعى الحيرانة
وعيوني السهرانة
بدعيلك بامانة
روح منك لله
كان حبك عذاب و قسية
وهواني ما بعده هوان
لو كان الغرام بايديا
ما كنش جرى اللي كان
يا خاين ما لكش أمان
وريتني العذاب ألوان .. ليه
بكيتني فى ليلة عيدي
يا خسارة غرامي فيك
وطفيت شمعتي بتنهيدي
ودعـيت ربنا يهديك
نسيتني ابتسامة فرحي
وريتني مرارة جرحي
ليه ليه
ياما غيري حيشرب كاس
سقيتهولي سنين بإيديك
والحب الجميل إحساس
مش ممكن يمر عليك
أنا وحدي اللي ليا فيه
وأنا وحدي فضلت أقاسيه
ليه ليه
كلمات: مأمون الشناوي
ألحان: كمال الطويل