يالا سوا - فريد الاطرش
يالا سوا .. يالا سوا
للربيع نقطف أزاهيره
للقمر نرقص على نوره
للنسيم نخطر على سيره
يالا سوا .. يالا سوا
دي الطيور صابحة تنادينا
تنادينا تنادينا
نسمع غناها وتسمع من أغانينا
يالا سوا .. يالا سوا
سوا سوا يالا سوا
سوا سوا يالا سوا
إحنا الأحبة كلنا نعيش على النور والهوا
فى دنيا سايرة بالهوا على مرام اهل الهوى
سوا سوا يالا سوا سوا سوا يالا سوا
إنت وانا والحياة تضحك حوالينا
انت وانا والزمان غافل ونسينا
انت وانا والغرام والحب يكفينا
انت وانا والغرام والدنيا فى إيدينا
سوا سوا يالا سوا
سوا سوا يالا سوا
إنت وحيد وانا وحيد
إنت وحيد فى جمالك وانا وحيد فى هيامي
تعال ياللي غرامك وافق هواي وغرامي
تعالى أسمع كلامك تعالى إسمع كلامي
قل لي وأقولك ونحكي عن أمانيـنا
اللى عليها اتفقنا واستعدينا
كلمات: محمود بيرم التونسى
ألحان: فريد الأطرش