دار الزمان بينا - ايمان البحر درويش
دار الزمان بينا ضاعت خطاوينا
تايهين في مطرحنا لا عرفنا فين احنا
لا اختارنا يوم دارنا ولا حتى مين جارنا
ولا حتى اقدارنا حتى اسامينا
دار الزمان دورنا وياه ولا قدرنا
ننسى في يوم دورنا اللي انكتب لينا
لا اختارنا يوم دارنا ولا حتى مين جارنا
ولا حتى اقدارنا حتى اسامينا
ع التوهة والترحال ماشيين يمين وشمال
عايشين والف سؤال ويا مين يرسينا
ماشيين بنسأل فين ويا الزمان رايحين
تايهين ومش عارفين على فين مودينا
دار الزمن و احنا ويا الزمن روحنا
بنقول مسيره فى يوم من النار يطفينا
عايشين بنتمنى في النار هوا الجنة
خايفين من المقسوم و ياريته بإيدينا
دار الزمان بينا