حبي يتبدل يتجدد - الهادي الجويني
حبي يتبدل يتجدد
ما يتعدش كيف يتعدد
فكري يخونك كيف ما خنتي
لكن قلــــــــــــبي يحبك انتي
حبيتك طـــفلة وبـــنية
حبيتك كيف صرت صبية
حبيتك كيف بنت العم
بحـــــــرارة روحي والدم
كيف ما يرجع الفرططو للنار اللي تحرقه
كيــــف ما يرجع الفلاح للحقل اللي عرقه
كيـــــف مايرجع الملاح للبحر اللي غرقه
نرجع لك حاير ومهني انــتي وقلبي أقوى مني
حبي يتبدل يتجدد
ما يتعدش كيف يتعدد
فكري يخونك كيف ما خنتي
لكن قلــــــــــــبي يحبك انتي
حبيتك كيف حاجة ليا
مرسومة موش منسية
انحبك وانا حبي ليك
حياتي موش خسارة فيك
كيف ما يرجع الفرططو للنار اللي تحرقه
كيــــف ما يرجع الفلاح للحقل اللي عرقه
كيـــــف مايرجع الملاح للبحر اللي غرقه
نرجع لك حاير ومهني انــتي وقلبي أقوى مني
حبي يتبدل يتجدد
ما يتعدش كيف يتعدد
فكري يخونك كيف ما خنتي
لكن قلــــــــــــبي يحبك انتي
أنا حبيت جملة ما فيك
يعجبني حسنك غاويك
الدوني منك يعــــــــــــجبني
والسبة منك تطربني
كيف ما يرجع الفرططو للنار اللي تحرقه
كيــــف ما يرجع الفلاح للحقل اللي عرقه
كيـــــف مايرجع الملاح للبحر اللي غرقه
نرجع لك حاير ومهني انــتي وقلبي أقوى مني