حسيبلك الدنيا وامشي - محرم فؤاد
ح اسيبلك الدنيا وامشي
ح امشي ما ابصش ورايا
والذكريات الجميلة ح اخليهملك هدايا
والذكريات الحزينة كمان حاخدهم معايا
وأسيبلك الدنيا وأمشي
ح امشي ما ابصش ورايا
ان كنت تفرح لبعدي
اديني ح ابعد بعيد
ح ابعد عشان تستريح
وتبقى راضي وسعيد
وزي حبك ما خدني من غير ميعاد
حتلاقي غدرك بعدني من غير ميعاد
حاسيبلك الدنيا واروح بلد تانية
بلد تنسيني بلد تخليني
ارتاح هناك من هوايا
واشوفله حل ونهاية
واسيبلك الدنيا وامشي
حامشي ما ابصش ورايا
انا مسافر مسافر
من غير ما اودع مسافر
تارك ودادك وقربك
شاكك في شيء اسمه قلبك
نادم على كل لحظة
قضيتها مخلص في حبك
حاسيبلك الدنيا واروح بلد تانية
بلد تنسيني بلد تخليني
ارتاح هناك من هوايا
واشوفله حل ونهاية
واسيبلك الدنيا وامشي
حامشي ما ابصش ورايا
كلمات: عبد الوهاب محمد
ألحان: محمد الموجي